ស្ថាបត្យករ

ស្ថាបត្យករ

តើស្ថាបត្យករជានរណា?
ស្ថាបត្យថករគូសប្លង់ និង រចនាផ្ទះ អាគារការិយាល័យ និង សំណង់ដទៃទៀត។
តើស្ថាបត្យករមាននាទីធ្វើអ្វីខ្លះ?
មនុស្សត្រូវការកន្លែងរស់នៅ ធ្វើការ លេង សិក្សារៀនសូត្រ ទិញទំនិញ និង បរិភោគអាហារ។ ស្ថាបត្ថករទទួលខុសត្រូវក្នុងការរចនាទីកន្លែងទាំងនេះ។ ស្ថាបត្យករធ្វើការក្នុងគម្រោងសាធារណៈ និង ឯកជន ទាំងខាងក្នុងអាគារ និង ខាងក្រៅអាគារ។ ស្ថាបត្យករមានភារកិច្ចដូចខាងក្រោម៖

• ជួបជាមួយអតិថិជនដើម្បីស្វែងរកគោលបំណង និង តម្រូវការប្រើប្រាស់របស់អាគារ
• វាយតម្លៃចំនួនសម្ភារៈសំណង់ ឧប្បករណ៍ប្រើប្រាស់ និង ពេលវេលាសាងសង់
• រៀបលក្ខណៈល​ម្អិតរបស់សំណង់
• ដឹកនាំបុគ្គលិកដែលរៀបចំការគូសប្លង់ និង ឯកសារផ្សេងៗ
• រៀបចំប្លង់តាមកម្មវិធីកុំព្យូទ័រ និង គូសដោយដៃ
• រៀបចំឯកសារកិច្ចសន្យាសម្រាប់ក្រុមហ៊ុនម៉ៅការសំណង់
• គ្រប់គ្រងកិច្ចសន្យាសាងសង់
• ចុះពិនិត្យការដ្ឋានសំណង់ដើម្បីធានាថាសំណង់ធ្វើទៅតាមប្លង់ស្ថាបត្យកម្ម

បរិស្ថានការងារ?

ស្ថាបត្យករភាគច្រើនធ្វើការនៅក្នុងការិយាល័យជាទីកន្លែងដែលត្រូវជួបជាមួយអតិថិជន ធ្វើរបាយការណ៍ និង គូសប្លង់ និង ធ្វើការជាក្រុមជាមួយស្ថាបត្យករ និង វិស្វករដទៃទៀត។ ស្ថាបត្យករក៏ចុះពិនិត្យការដ្ឋានសំណង់ដើម្បីធានាថាសំណង់នោះធ្វើទៅតាមអ្វីដែលអតិថិជនចង់បាន និង ដើម្បីពិនិត្យភាពជៀនលឿនទៅមុខរបស់គម្រោងសាងសង់ផងដែរ។ ស្ថាបត្យករខ្លះអាចធ្វើការពីការិយាល័យនៅផ្ទះបាន។

តើធ្វើដូចម្តេចដើម្បីក្លាយជាស្ថាបត្យករ?

ជាធម្មតា ស្ថាបត្យករត្រូវមានបរិញ្ញាប័ត្រស្ថាបត្យកម្មដែលត្រូវសិក្សារយៈពេល៥ឆ្នាំ។ និស្សិតអាចបន្តការសិក្សាយកអនុបណ្ឌិត

ស្ថាបត្យករត្រូវមានលក្ខណសម្បត្តិដូចម្តេចខ្លះ?

ជំនាញវិភាគ ៖ ស្ថាបត្យករត្រូវយល់អំពីលក្ខណៈនៃរចនាបទ ខ្លឹមសាររបស់ប្លង់ និង អត្ថន័យរបស់សំណង់។​

ជំនាញប្រាស្រ័យទាក់ទង៖ ស្ថាបត្យករត្រូវធ្វើការជាមួយអតិថិជន ធ្វើបទបង្ហាញអំពីប្លង់ និង ធ្វើការជាមួយអ្នកជំនាញដទៃទៀត។​

គំនិតច្នៃប្រឌិត៖ ភាពច្នៃប្រឌិតមានសារសំខាន់បំផុតសម្រាប់ស្ថាបត្យករក្នុងការបង្កើតសំណង់ដែលមានគុណភាព ប្លែក និង មានភាពទាក់ទាញ។

ជំនាញរៀបចំ៖ ស្ថាបត្យករមិនមែនគ្រាន់តែគូសប្លង់រួចចប់នោះទេ។ ស្ថាបត្យករមាននាទីគ្រប់គ្រងសំណង់ទាំងស្រុងដើម្បីឲ្យត្រូវទៅតាមប្លង់។ ដូចច្ចេះ ស្ថាបត្យករត្រូវទទួលភារកិច្ចរៀបចំ និង គ្រប់គ្រង កិច្ចសន្យា ការចំណាយលើសម្ភារៈសំណង់ និង ឯកសារផ្សេងៗទៀត។

ជំនាញបច្ចេកទេស៖ ស្ថាបត្យករត្រូវមានជំនាញបច្ចេកទេសបន្ថែមដូចជា ជំនាញគូសប្លង់តាមកុំព្យូទ័រ ចេះប្រើកម្មវិធីកុំព្យូទ័រផ្សេងដែលពាក់ព័ន្ធ។

ជំនាញសោតទស្សន៍៖ ស្ថាបត្យករត្រូវមានសមត្ថភាពមើលឃើញទំនាក់ទំនងនៃផ្នែកនីមួយៗរបស់សំណង់ និង​ រូបភាពទាំងមូល។